31 May 2009

29 May 2009

Cine bizarru: pa cuando el teddy asturianu ,,, ?

mitica escena ,,, no further comments ,,,

Gustanos lo piquinhino ...

Una de les coses que mas llamen la atencion a la xente de fuera d’Asturies y ensin dulda unu de los nuestros encantos , ye la tenrura , paisanos de mas de mas de 100 kilos nomaos “ Arturin “ o muyeres completamente mayuqes a les que toul mundu conoz pol diminituvu … la marquesina puede ser el casu mas conociu nos medios pero seguru conoceis abondos nel vuestru entornu cercanu …






Aparentemente tenemos poca ambicion ,,, lo que nos gusta ye que nos dexen tranquilos ,,, les coses grandes nun son pa nos ,, non , otros van a “Quien quiere ser millonario” los asturianos , encuenta d’esto, pegabamonos a la pantalla pa saber quien diba facese cola radio piquinhina de Jeronimo Granda ,,, nos somos d’otra manera ,,,

Vese incluso nes maneres distintes de trincar ,, yo tengolo dicho munches veces el asturian dream nun ye ser ricu ye ser FUNCIONARIU ,,, N’asturies el lladroniciu menor , del dia a dia son coses “menores” meter un fiu o una querida o a un queridu a deu na Universida , un enchufin na tele publica , un chollin nel ayuntamientu , otru nesi criaderu de apparatchiks chungos que se llamen conseyos de moceda ,, etc ... por ponevos un casu en contraste ,,, n’Andasulia los politicos cuando pillen, pillen de verda ... coles dos manes. Mira-y el casu del presidente Chaves cuyu gobiernu concede una subvencion de 10 millones d’euros a una empresa que facturo 10 mil eurinos de media los ultimos 3 anhos... resulta que la fia de Chaves ye , of course, apoderada de dicha empresa ,,, tenemos que espabilar ,,, los Andazulues si que saben ,,,

O los coches oficiales, toos sabemos que los conseyeros tienen un Volkswagen Phaeton ,, que nun ta mal ,,, pero mira tu a Zapatero que vuela nun Falcon a los mitines ,,, si senhor , un Falcon , comu el Falcon Milenariu nel que volaba Han Solo ,,, how fucking cool is that ,,,



Hay excepciones claro ,, vease el casu del arquitectu xefe del ayuntamientu de xixon ,,, vaya vista que tien … que un par de selmanes depues de dexar el cargu compro una fincuca de 20000 eurimos pa vendela depues nun anhu y mediu por 620000 a una empresa que se favorecio grandemente pola aprobacion del les normes urbanistiques paries mientres esti mismisimu elementu yera arquitectu xefe del Conceyu Xixon ,,, esi si que sabe ,,, criminal o no eso decidiranlo los tribunals y nesti blog defende la presuncion d’inocencia n’asuntos estricatamente penales pero llistu ,, mas llistu que la fame ,,, uff ,,,

Pero digo yo ,,, sedran esti amor descomanau polo piquinhino , lo minusculo ,,, lo que ta llastrando el progresu d’Asturies ,,, que vos parez ?

24 May 2009

La dolce vita del parlamentariu europeu ,,,

No comments ,,,

Billete d'ida a Afghanistan gratis ? Menores d'eda Only need apply ,,,


Vaya por delantre que lo ultimo que quiero ye falta-yos al respetu a los homes y muyeres del nes fuercies armaes britaniques que con gran sacrificiu personal y a cambiu de sueldos modestos faen dignamente un trabayu muy dificil en circumstancies frecuentemente extremes.
Pero a lo que voy ,,, 2 anhos depues de mudame sigo recibiendo correu basura de los duenhos anteriores de la casa ,,, despues de re-enviayos les cartes un numeru de veces canse y agora ya opto por tiralo ... pero nesto que recibu una revista a nombre de la guaja , que calculo debe tener agora unos 16 anhos ,,, la revista en cuestion ta editada pol MOD el ministeriu de defensa ,,, ta llena de tebeos relatando les aventures de los soldaos que polo visto tolo que faen ye xugar con artefactos d'alta tecnoloxia , volar en helicopteru y dir a paises exoticos ,,, nunca vuelen polos aires tres la explosion d'un burru bomba ,,, nin pierden brazos , piernes o queden ciegos ,,, tamien hay otru articulin en plan girl power de comu unes rapazaes tienen una banda de pop-punk ,,, la publicacion ta muy claramente orientada a convencer a menores de que una carrera nel exercitu ye basicamente como ser el mozin d'una pelicula d'accion ,,, y ademas paguente por ello ,,,
Ye normal que el MoD faiga campanhes de reclutamientu , orientales a guajes , que ademas por razon de la eda son mas vulnerables ... parez poco etico ,,, por nun dicir nada peor ,,,

El PSOE sal a la piesca del votu analfabetu ,,,

Con esti video el PSOE declara la so intencion de dir pescar al votu mas acriticu , sectariu. Esi ye , consideren los estrateges del socialismu espanhol que ye onde pueden pescar ,,,

Zero propuestes , toa una apelacion a los sentimientos mas baxos , basicos , los mas tarrecibles , l'odiu y el sentimientu de la tribu.

El videu , llenu de cliches ridiculos , ye una radiografia del odiu , non del odiu que supuestamente destilen los ridiculos ya increibles personaxes protagonistes , si non del odiu que profesa el socialismu a toul que nun lu vota. Si nun me votes yes un anormal al maxe de la socieda , un facha asquerosu y puntu , ni mas nin menos.

Y pal que nun s'entero retratense nel mensaxe final ,,, nun importa lo que piensen importa lo que votan ,,, n'otres palabres nun nos importa que haya xente racista o intolerante .. eso verdaderamente danos igual , lo que nos jode ye que nun nos voten , tal cual ,,,

Yo nun sabia si votar o non a les europees mas que nada porque ye validar esi gran chiringu inoperate pagau colos mis impuestos que ye , nesti momentu , el parlamentu europeu.

Nun soy euroescepticu o igual si lo soy ,, al final del dia siempre tomo la posicion de que hay que ser escepticu siempre con too , en tou momentu , cuestionar siempre , aprender los que se pueda y si unu se ta cuenta de que taba enquivocau camudar d'opnion. Gustame Europa , soy europeu pero l'entramau institucional europeu actual ye manifiestamente meyorable.

Lo que si que nun trago ye que me tomen por bobu ,,, nun voy entrar nesti momentu en sin por exemplu , comu dicia uno de los fachas tarrecibles del video , la sanida privada ye la solucion , lo que si tengo claro y que nesto comu tantes otres coses , como ciudadanos merecemos un debate publicu maduru , con argumentos , con razones , y non insultos , insultos a los que nun piense comu tu pero insultos tamien a la intelixencia de los que quies que te voten. Ya valio ,,, enough is enough ... morreu.










16 May 2009

Marketing politicu Bizarru ,,,

Ya lu veis Zapateru encarnau en playmobil y bailando la macarena ? ,,, soltando la riestra de ensistunciaes habituales ... raro raro ,,,

Las redes sociales de internet ayudarán a mantener la paz mundial ...

Esta total inanida , nun salio , aunque lo pareza de la boca d'una Miss , d'un toreru analfabetu ( mas cornás dalambre ) o d'una estrella de la telecuore.

Esta ensinsustanciada salio de la boca del filosofu favoritu de la telebasura espanola ... Gustavo Bueno ,,,




Esti gran intelectual , lliguateru adversariu del procesu de recuperacion del nuestru idioma , tamien ta detras de ocurrencies tales comu la asociacion pantasma "amigos de los bables" o amigos de los beibols ,,, y ye que hay amistaes que maten ,,,





Un paisanu que dicen ye filosofu del que yo personalmente solo conozo payasaes ye increiblemente unu de los intelectuales asturianos mas respetaos , la so presencia y les sos palabres inspiren profunda reverencia nes poco cultes elites asturianes , les sos revelaciones , una epifania ! una palabra tuya Gustavo ... porfis ,,,

Gustavin ye tamien l'alma detras d'una fundacion a la cual varios ayuntamientos tienen a bien regala-y el nuestru dineru , ( sera por perres ! ) ...

Pues bien pal vuestru propiu amusement, voy dexavos con una series de perles de sabiduria del gran maestru

Los profesores forman una casta repugnante ( debe sabelo el bien teniendo dedicados decades a la educacion y enchufo al fiu na universidad )

"La impresión que tuve la primera vez que fui a Inglaterra es que, quitando las elites de las grandes ciudades y a Newton y Darwin, son unos bárbaros. Claro que eso es mucho quitar, pero los ritos antiguos, las familias comiendo un pedazo enorme de pierna de cordero, el modo de comportarse, el tipo burdo de trato... Y no digamos los alemanes." ( cualquiera diria que los espanoles , inventores del deporte de llanzamientu de cabra dende campanariu dedicamos el tiempu llibre a la delicada ceremonia del te )

“Una Constitución que ha abolido la pena de muerte y que no tiene posibilidad de fusilar a Ibarretxe es muy difícil que se mantenga” No comment.

"La Academia de la Llingua ... Esa asociación de celtas y bablistas es una idea sucia, como cuando haces una operación de aritmética y te confundes y haces tachaduras." esto nun taria fuera de llugar en Der Stuermer ,,,

"el proyecto europeo es el de Hitler, con pelos y señales" Gustavo revelase comu llector del "daily mail"

Y nun sigo ,,,

http://www.lne.es/secciones/noticia.jsp?pRef=2009051500_46_756817__Sociedad-y-Cultura-Facebook-Tuenti-forma-barata-entretener-personas

14 May 2009

Lo de siempre ,,, paga o quemote el chiringitu ,, violencia sindical n'Asturies

Lo de siempre , la Asturies eterna ,,, la violencia , la intimidacion , paga o prendo fueu ... hay que armala ,,, defender lo publico YE defender asturias ,,, el chantaxe ... lo de siempre

Piden los Sres Prexubilaos que ,,,

"Pequeños y Medianos Astilleros en Reconversión (Pymar) que se subrogue en las obligaciones de Naval Gijón y contrate una póliza de seguros que garantice el cobro de sus prestaciones salariales tras la disolución de la firma por el cese de actividad"

Pues eso ,, lo de siempre que pague el contribuyente pa garantiza-yos a ellos a cobrar un sueldu muy curiosu , trabayando o ensin trabayar , nesti casu ensin trabayar , de por vida , pues eso , y conseguiran lo que quieren , asina terminara ,..

Les retenciones y los impuestos que paga la xente con sueldos de 700-800 y contratos basura too acaba nesi gran furacu que son les cuentes de les administraciones, de ehi salen les perres pa pagar prexubilaciones de muchos euros que cobra el vecin , la aristocracia obrera , garantizaos de por vida ,,,

Ye un actu de violencia inxustificau , con un fin egoista , los "trabayadores" prexubilaos quieren que se-yos pague un sueldu por non trabayar de por vida ,,, y quien lo va pagar ... los demas ... los que na so mayoria ganen menos que los Sres de l'astilleru , los que nun saben si manhana van tener trabayu o non ... y lo meyor too esto perpetrao en nome de la xusticia social ,,,

12 May 2009

Vida y destin ,,, Vasily Grossman



Por recomendacion d’un amigu miu de Xixon , mercare esta novela , y ya que el me fizo el favor de recomendamela nun puedo mas que "devolver" el favor spreading the word ,,,

Les circumstancies hestoriques nes que se enmarca el relatu son el tiempu de la segunda Guerra mundial na Xunion Sovietica , al tiempu de la battala de Stalingrad , vida y destin ye una novela coral y los protagonistes son un grupu de persones de distintes edaes y condiciones relacionaos entre ellos por una circumstancia u otra. Nel so centru , ta el cientificu sovieticu d’orixe xudiu Victor Shtrum y la so familia , pero la galleria de persones na novela incluye , prisioneros nun campu de concentracion sovieticu , oficiales de los dos exercitos , muyeres na retaguardia , prisioneros nun campu nazi , nazis convencios y nazis por conveniencia , comunistes convencios y comunistes por conveniencia , soldaos nel frente , vieyos y mozos , muyeres y homes. Ye una meciogaya d’hestoria ya intrahestoria onde los grandes acontecimientos belicos y politicos proveen un marcu onde se desendolquen les histories personales de los personaxes ,,

Grossman beneficiase del so conocimientu de la socieda sovietica a tolos niveles , nun ye la perspectica d’un outsider comu Solzhenitsyn , Grossman foi un periodista de Guerra muy popular nel so momentu aunque depues cayera en desgracia col rexime del cual el tamien se desencanto.


Increiblemente , Grossman intento conseguir que se publicare esta novela na Xunion Sovietica, esto resulto imposible siendo esta obra una denunciacion del totalitarismu el toles sos formes … supongo que unu de los episodios mas intolerables pa la censura sovietica debe ser el momentu en que pon en boda d’unu de los personazes un discursu que iguala los totalitarismos nazi y comunista. La novela retrata de manera muy realista l’ambiente de denunciaciones , arbitrarieda , terror y violencia que sofrieron los sovieticos , les componendes que la xente fae pa sobrevivir baxo el totalitarismu , la resistencia individual a pesar del terror y la mesma individual rendicion ...

Hay dos temes principales que subayacen en tola narracion la incapacida de de los dos totalirismos del sieglu XX de terminar de destruir dafechu la humanida de les persones o la so ansia de lliberta ,,, la obra ta llena de momentos de gran emocion , la muyer que se convierte , espiritualmente , en madre del guaje perdiu al que acompanha a les puertes del fornu crematoriu al que los conducen , la estranha normalida vida nel ghetto xudiu ante la inminencia de les deportaciones o la vieya aldeana que , pesie a tener perdio a tola familia durante la represion que acompanho a la colectivizacion de la agricultura , escuende en casa al soldau sovieticu fugau ,,

Ye ademas un llibru totalmente adictivu que nun vas soltar hasta que lu termines lo cual nun ye poco dicir porque casi mas de 900 paxines.

10 May 2009

La UNA ye inocente ,,,

Enterome con gran disgustu d'unes informaciones asoleyaes pol periodicu "La Razon" de que se sospecha d'una vinculacion entre Unida Nacionalista asturiana y el partiu illegal ANV del entornu d'ETA.

Los avales de la discordia , que por cierto entiendia que debien ser secretos , nun son una expresion de sofitu politicu y non ye infrecuente pa les formaciones pequenes el tener que los obtenelos d'otros partios politicos.

Constame polos amigos que tengo que tan vinculaos a esa formacion politica que tanto el proyectu politicu de UNA comu les persones que lu integren sienten el mas profundu ya inequvocu rechazu y conderga a la violencia de la banda terrorista ETA y el so entornu.

Les sospeches , graves na so naturaleza , tan dafechu infundaes y toy convenciu que la situacion va resolvese pronta y favorablemente.

Un saludu pa toles persones d'UNA nesti momentu.

http://www.larazon.es/noticia/una-lista-asturiana-recibe-el-aval-de-anv

09 May 2009

Selmana de les lletres ,,, y Milio Cueto ?

Lleo de la selmana de les lletres ... articulos equi y aculla .. de les glories pasaes y presentes de les lletres asturianes ,,, a la meta d'ellos ( mea culpa quiciabis ) directamente debo confesar nun tener the foggiest idea de quien puedan ser ,,, munchos menos tenelos lleio ,,, pero lo mas grave , veo con desmayu que en negun casu mencionen nunca el nome de Milio Cueto ,,, nun sabran quien ye ? nun conozo ( gracies a dios ) les movides , envidies o bilordios del mundin cultural asturianu , pero esta ausencia , nun se si intencional ... por supuesto ye bien rara ,,, decades depues ,,, enta nun se-y perdonara l'enfrentamientu cola academia , aquel miticu opusculu "dialogu de la llingua o los gochos llinguateros" ?

Milio R.Cueto , creador del macondo asturianu Perendi , nun ye solo un grande de les lletres asturianes , ye un grande y puntu , el nuestru Josep Pla (version proletaria y asturiana eso si ) ,,,


de la seccion aculla de la nueva espana ,,,


---------------------------------
Güesinos de santu
Xueves, 13 de payares
MILIO RODRÍGUEZ CUETO
Al llombu de Paquita, Casimiro murmurió un saludu inaudible, acobardáu. Ella, en cambiu, miraba de frente retadora. Nes manes aguantaba una caxa zapatos.
-Coime, ¿cómo vosotros per equí? -saludólos Tina, y apartóse pa invitalos a entrar.
Paquita conocía'l camín. Avanzó, pasillu alantre, hasta la sala: tresillu con tapetinos guardanuques a ganchillu, mesa chaparreta de falsu mármole con ceniceru de Talavera impolutu, revisteru de metacrilatu reventón de prensa rosa, maceta con planta artificial, aparador con figurines de porcelana, semeyes de neños comulgantes, botellines vestíes con perlé hasta'l cuellu, televisor de tubu catódicu y reproductor de vídeos VHS.
-¿Tenéis algún negociu na villa? -interesóse Tina.
-No -contestó Paquita, tiesa-. Venimos namás qu'a vete a ti.
Y, ensin esperar permisu, sentóse nel mediu'l sofá y posó la caxa enriba la mesa. El paisanu, más prudente, quedó de pies.
-Siéntate, Miro, ho... ¿Póngovos un cafetín?
-No, no... Ya tomé ún y...
Atayólu una voz, femenina y cascada, qu'empezó a cantar n'otru cuartu del pisu:
-Aserrín, aserrán,
maderinos de san Xuan...
Un silenciu sorprendíu precedió a la pregunta inevitable:
-¿Qué tal va to ma?
-¡Ba! -Tina xingó les espaldes y compunxo un xestu resignáu-. Tengo qu'andar con mil ojos con ella. A la mínima que me descuido, ármamela. Igual-y da por meter tolos zapatos de casa na nevera como por tirar al váter dos docenes de güevos.
-¿Y conoz?
-Tien ratos, pero cada vez menos. A mi confúndeme con una tía d'ella que morrió cuantísimaya.
Suspiraron les dos. Casimiro mordió'l llabiu superior y sescudió la cabeza, solidariamente pesarosu. La vieya del otru cuartu cambió'l tema.
-Bigarinos de la mar,
por aquí podéis pasar...
Tina suspiró otra vez. Garró un llargueru con güesinos de santu del aparador y posólu enriba la mesa, a disposición de la visita.
-Bueno, ¿y entós?
Paquita enderezóse, l'home gachó más la cabeza.
-Pues verás, voi dicite: resulta que queríemos facer reformes na casa...
-¡A! -Tina llevantó les palmes de les manes, desentendiéndose-: Eso ya ye cosa vuestra. Pasa d'un añu que vos la vendí, les obres que queráis facer son cargu vuestru...
-Eso ya lo sé, nun van perí los tiros -sonrió, torcío, Paquita-. L'asuntu ye otru...
Intrigada con aquel tonu de voz esmolecedor, Tina sentóse nel borde d'un sillón y esperó más esplicaciones.
-El casu ye -siguió Paquita- que queremos saca-y la piedra a la casa per dientro, y Miro, como ahora tien tiempu, púnxose a picar. Y, ¿daste cuenta de la paré del cuartu d'arriba que da pal camín del ríu?
-Sí.
-Pues resulta qu'embaxo la carga apaeció una furaca, y mira lo qu'había dientro.
Quitó-y la tapa a la caxa zapatos. Dende'l sillón, Tina nun acertaba a ver más que'l picu d'un envoltoriu de tela marillecío, vieyo.
-¿Suénate?
La pregunta arrecendía a trampa. Tina albidrólo y tuvo l'aquel de nun se comprometer:
-Nun sé...
-¿Cómo nun te va sonar? -enfadóse Paquita-. ¡Si ye d'una mantelería que yera de to güela! ¡Mira'l bordáu! ¡Si m'acuerdo yo de vévosla siendo neña!
-Pues nun sé qué te diga...
-¡Ye vuestra, recoimes! -Paquita tiró, escolforiada, de la pieza (dientru la caxa cartón sonó una tirada de dados) pa poné-yla a Tina delantre los güeyos.
-Pero bueno, vamos a ver -encrespóse Tina-: ¿qué coño de cuentu te traes tu col puñeteru felpeyu esti, que nun val nin pa trapos? ¡Tíralu, rediós, qué coño más dará de quién sea!
-¡Sí da más, porque lo que llevaba envuelto tien el mesmu propietariu!
-¿Y qué llevaba envuelto? -nun fue a aguantar la pregunta.
-¡Míralo, rediós! -gritó Paquita, azotando la tela pa enriba la mesa.
Tina pensólo lo mínimo, un por dicir, un nun querer quedar de fisgona; pero fue más fuerte la intriga. Enderezóse na butaca, llevantó'l cazu pa facilitar l'ángulu de visión y montó, enriba les narices, les gafes que-y colgaben d'una cadenina y del pescuezu.
Dientro la caxa había güesinos.
-¿Qué coño ye...? -empezó a dicir, y entós cayó na cuenta.
Encendióse-y la cara. Con movimientos patayos, azotaos, apuróse a poner la tapa.
-¡Sácame esto de casa! -gritó, persinándose.
-¡No, fía, no! ¡Esto ye vuestro y quedáisvos con ello!
-¡Yo nun me quedo con nada! ¡A saber d'ónde salió!
-¡D'ónde salió ya te lo conté: d'una furaca que fadría to güelu, que pa eso yera albañil!
-¡Mentira! ¡Mentirosa! ¡Desgraciada! ¡Bruxa! ¡Envidiosa!
-¿Envidiosa yo de quién?, ¿de vosotres? ¿De qué vos voi tener yo envidia? ¡En mio casa, polo menos, nun estropiábemos neños!
-¡A saber lo que nun fadríis! ¡Seguru qu'esi fue vuestru! -apuntó Tina pa la caxa-. ¡Sácamelu d'equí y entiérralu onde te dea la gana!
-Yera lo que yo-y dicía... -murmurió Miro.
La muyer engafentóse-y:
-¡Sí, home, mira tu qué llistu! ¡Y qu'acabe sabiéndose y qu'acabemos teniendo nosotros un problema a lo bobo! ¡D'eso nada! ¡Les qu'estropiaron el rapacín, que carguen con él!
Una canción infantil sonó-yos al llombu. Dieron la vuelta: una vieya, vestida con chándal, prendedores y cintes de colores en pelu, taba na puerta.
-Que llueva, que llueva,
la Virgen de la cueva...
Casimiro dio un pasu pa escontra d'ella, un pasu indecisu que nun fue a ninguna parte, como les palabres ensin forma que nun llegó a pronunciar. Paquita y Tina punxéronse de pies, callaes de golpe.
Cantusquiando, la vieya acercóse a la mesa. Garró'l cachu de tela y estudiólu con atención. Depués abriólu curioso enriba la mesa y planchólu coles manes. Volcó nél los güesinos de santu del llarguerín y xuntó les piques p'anudales. Y, ensin un xestu de dulda, metiólu pela boca del reproductor de vídeos VHS y calcó, calcó bien, hasta'l fondu, hasta que baxó la tapa.

http://mas.lne.es/aculla/index.php?seccion=noticia&id=12

07 May 2009

Feliz dia de San Bable ,,,







Yo esti anhu nun voy poder dir ,,, pero pa los que tais mas cerca d'uvieu ... y eso que yo esto de les manifestaciones y tomar les cais y toa esta milonga parezme un poco rollu "la transicion" , politica 1.0 ,,, pero bono mas que nada supongo que ye por venos los unos a los otros , llevantar l'animu a les tropes y tal y cual ,,, pues eso que nun quiero ser negativu ,,, manhana hay que dir ,,, aunque nun apeteza ,,, face-ylo aunque seya polos cientos de miles d'asturianos que tamos llonhe y nun vamos poder aunque queramos ,,, val ?

05 May 2009

Asturias pide al Estado un mayor esfuerzo financiero

Pues eso ,,, Asturias personalizose saco la so vocecina y pidio-y al senhor estau un mayor esfuerciu financieru ... esto que suena maxico o imposible ,, yelo ,,, el que falo foi Areces ( que ye Asturies ) con Chaves ( non hugo ,,, el d'Andalucia ) otru que tal baila ,,,

Lo que nun dicen ye que nin Areces ye Asturies , nin Chaves ye l'estau , digo mas l'estau nun ye una persona fisica comu tu o comu yo , ye una abstracccion , una idega , lo que si pueden facer los nuesos politicos ye esfuerciar mas a los que paguen impuestos , saca-yos mas pa que Areces y Chaves lo gasten no que-yos salga del pijo. Eso si ye muy real ,,,

Pero pa que quier los dineros Areces ,,, diz el gran Procer ,,, "Asturias es la única autonomía en la que desciende la población y en la que la edad de su población y dispersión " ... lo de la dispersion ye de toa la vida ,,, esti ye el modelu de poblacion de la fastera atlantica dende fai milenios ,,, xeografos podran desplicalo meyor que yo lo otro ,,, la poblacion desciende y la eda media ye alta ,,, tal cual acaba de dicilo los asturianos extinguimonos ... literalmente .. cada vegada menos , mas vieyos ,,, y a Areces , unu de los mayores responsable del desastre nun-y da por pensar comu llegamos a eso o como invertir esa tendencia ,,, a too lo que aspira ye a mantener la residencia abierta ,,, tener perruques pa sacar a los vieyos de paseu ,, entretenelos ,, monta-yos festivalucos ,,, nada mas ,,,

http://www.lne.es/secciones/noticia.jsp?pRef=2009050500_42_753096__Asturias-Asturias-pide-Estado-mayor-esfuerzo-financiero

02 May 2009

Perru rusu zombie !!!

Ciencia sovietica en accion ... esta ye seguro una de les coses mas rares que tengo visto en mi vida ,,, nun consta comu la tortura d'esti probe animal pudo ayudar el esfuerzu de guerra sovieticu ,,,

Locations of visitors to this page