13 June 2013

Fumando puros ,,,

 Prestame pola vida ver el esfutre ilimitau que se deriva del fumar d'un cigarru bonu.

Ves xente, cabeces entornaes, soplando fora una corriente de fumu, los güeyos medio zarraos. Tan esfrutando cada minutu. Si yes un fumador de cigarros, quies encender inmediatamente y xuni-te a ellos.

Rise, falar de los acontecimientos del día y, relaxase y pasalo podre con amigos. Nunca enxamas unu debe sentir una gota culpa por tar echando fumu dende detras d’un gran cigarru.

Yo mesmu 

Vivimos nuna gran d’eda de la babayada que tamos viviendo fumar tan socialmente peor visto que ser un borrachu o dase d’osties pela cai, peor que fundir el sueldu nel bingu o en farlopa , los fumadores son malpenes son meyores que los pederastes. 

A James Bond ya nun-y permiten fumar nes pelicules ,,,  el ultimu machu alfa permitese actividaes muncho mas peligroses ya irresponsables, beber, montar milenta muyeres (visteis-lu poner condon ? ) , enzarzase a tiros en llugares publicos y matar xente ...  pero fumar non que ye pecao ,,, manda huevos,  y ye que n’esta eda secular port-relixosa nuesa ta mas que nunca llena de curones que nos dicten comu pensar y comu vivir.


Los puros tán fechos  pa que so fumu seya rodáu alredor del cielu la boca, comu el vinu porto o el clarete bonu. Nun esnaldes el fumu y por consiguiente nun ye adictivo .. tolo contrario que los pitos onde el propositu y la allegria del fumar tien que ver col esnaldar el fumu y muy poco que ver con el sabor del tabacu, xusto al reves que nel casu de los cigarros.

Fumar un cigarru ocasional, inclusive diariamente, nun atrae la clase de riesgos que la banda antitabaco nos quier facer creer.  Y palos riesgos asociaos a los fumadores pasivos la mayor manera d’evitalos nun son normes coactives de character llegal son la civilida, el respetu a los demas y abrir les ventanes pa que circule l’aire fresco.

La relaxación que consigues d'un cigarru, mas la camaraderia que se tien cuándo fumes con amigos, traen beneficios enormes  que compensen los riesgos asociaos. Ye un fechu medicu bien persabiu que les persones felices viven mas y tienen mas salu que aquellos que viven peramenentemen tan aterrorizaos por riesgos reales o imaxinarios. 

Fumar puros ye una elección d'estilu de vida que trai enorme placer a millones de persones alredor del mundu, debe celebrase. 

Happiness? A good cigar, a good meal, a good cigar and a good woman - or a bad woman; it depends on how much happiness you can handle. George Burns.



Que  podemos facer ? seguir prendiendo ,,,

Bonos fumos !


05 June 2013

Volvemos a casa ...

Tras un mes na mio vida nueva de vuelta en Blighty (Inglaterra), cómo me siento?  Qué coses camudarón?  Ye'l país igual como cuándo dexé? Gustaríame empezar con Evelyn Waugh, unu de el escritores grandes del sieglu venti ; un home que supo un pocu sobre vida, y qu'una vegada dixo que "l'encantu ye la mas grade plaga inglesa. Nun esiste fora d'estes isles húmedes."



Tarrecia enormememente volver el friu y la flata de lluz natural, les hores en transporte public y perder la distincion de ser posiblemente l’unicu asturfalante de toul pais J …    pero inda dende llegar atopé nada pero encanto y bonu, el vieyu sentiu del humor del non tomase a si mesmu en serio y la hospitalidá.






Dende que volviera sentí un sentíu fondu de bien-tar. Esto ye onde pertenezo y resultome tan facil volver que me siento un poco traidor al pais vieyu … unos anhos en Asia y 5 minutos dende que baxe del avion pareciera que nunca colare de Londres en primer llugar.

Cada vez que salgo pongome contentu. Toy fascinau pola hestoria la fondura de lo pasao: (En Hong Kong los museos son mini parques tematicos) esfruto l'arquitectura, la bayura y variedá d'árboles, l'amabilidá de vecinos y persones na cai y en tiendes. 

Paro nuna cafetería y beber el mio café mirando el parque y soy feliz.



Los restaurantes bonos son caros pero son excelentes, la selleccion del vino ye muncho meyor y los precios menos exorbitantes, les bebides sirvense a la temperature correcta, lo unico malo, los puros, tovia nun tengo con quien fumalos (en Hong Kong casi tolos occidentales fumen puros) pero cola companhia del mi amazon kindle voy arreglandome y fumar un puru nuna terraza aunque tovia llegal ta censurao pola bienpensante mayoria social y varies de les persones que pasen andando mirenme mal … yo ,  un paisano y senhor comu soy … pago el so despreciu sonriendo-yos  de vuelta.  



Equi puedo participar de la vida social de maneres que me taben vedaes en Asia, puedo falar cola xente nel supermercau y nel transporte publicu la xente nun te tira la puerta nes narices si vas andando detras d’ellos y nun entren corriendo nel metru pa garrar asientu ,,, en Asia el salvese quien pueda, los codazos y les carreres pelos pasillos del metro , equi civilida y sofisticacion






02 June 2013

Odio los fregaplatos


 Nun toy de nenguna manera refiriendome a aquelles persones cuya activida profesional consiste en fregar platos en restaurantes y hotels, que dios los bendiga, si non a esos electrodomesticos infernales cuyu propositu declarau ye facilitanos la vida lliberandonos de la aparentemente tarrecible tarea de fregar los platos.

Ye polemica la mi estancia nesti asuntu y arriesgome a ser acusau por aquellos menos ilustraos de ser un reaccionariu y atopame n’allegre companha d’aquellos que de manera recalcitrante refuguen el progresu y les comodidaes de la vida moderna, los vieyos que van a actualizar la cartiella na caxa d’aforros el dia unu del mes , la xente necio que insiste en pagar con cheques o los que prefieren el fax al email, dame igual, soy el mi propiu home nun busco l’aplausu groseru del publicu.

La primera na frente ,,, les coses nun pueden metese directamente nel fregaplatos, hay espurrilo primero ,,, ya que tas nello nun puedes llavalo directamente emplegando un par de segundos mas ?

Ademas los que nun sean premiu de la natalida y cenando solo en casa una o dos persones nunca llegues a llenar el putu fregaplatos y lo de diversos dies acumulase en fedorienta hermanda d’alimentos en distintos graos de pudricion, de lo relativamente fresco a lo gomitivo, llegando consecuentemente a lo reseco y fosilizao …  abrir el fregaplatos y ye comu un viaxe per una “memory lane” (caleya de la memoria?) gastronomica onde atopes platos colloraos de grasona chorizera de la comidu del domingu, copes de vinu del Sabadu y manches ultrapetrificaes de curry a los llaos.

Si yes lo suficientemente neciu comu pa seguir el procesu hasta les sos ultimes consecuencies al final termines cola loza rayada y con cachos de comida transformaos en piedra y misteriosamente pegaos a los platos colo que al final termines llavandolo a mano de toes maneres.

Amigu fregaplatos ,,, prometes tanto y dasnos tan poco ,,,

Por nun mencionar que a mi fregar los platos nun me molesta, tolo contrario casi me presta, ye l’orde natural de les coses nel universu que tienen que tener un principiu y un final, comu la muerte sigue inevitable a la vida, les cenes entamen cola feliz visita al supermercau y terminen colos platos llimpios ,,, esto ye sano, natural, ordenao y ufiertanos un sentiu moral del propositu fundamental nestos tiempos aceleraos que vivimos.
Locations of visitors to this page