30 March 2011

Vaya chollu ser dictador ....

Confundimonos de trabayu .... Lo visto ... primero paseste varies decades, abriendo museos dedicaos a la to persona, robando, financiando al terrorismu internacional, violando y matando (nuna pallabra pasandolo podre) ... depues digamos que fartos los tos penantes subditos rebelense, pues venga tu a defender lo tuyo, mates homes, muyeres, nenhos,en fin lo de siempre. Pues nada si ganes esi enfrentamientu, puedes seguir de dictadorucu hasta que muerras o decidas pasa-y el garrotte de mandu a unu de los tos fios ... y si pierdes, termines humillau y colgau d’una farola comu Mussolini o pegueste un tiru nel Fuehrerbunker? Non, estos son tiempos humanitarios, si pierdes puedes mirar con illusion a un futuru dorau na seronda la vida con miles de millones de dolares, abundancia de Viagra, mulates venezolanes y ron de luxe. Lo dicho vaya chollu. http://www.lne.es/internacional/2011/03/30/aliados-defienden-legalidad-armar-rebeldes-le-buscan-exilio-gadafi/1053195.html

27 March 2011

Fdez diz que quier que Asturies seya la Alemania de Espanha

Y mira que fai nada dicia que lo que queria ye que toa Asturies fuera comu la cuenca ? Y dizo n'Arxentina, escaparese-y a Fdez la deliciosa ironia de la situacion, cuando el (y el so partiu) lleven mas de 30 anhos conviertiendo con exitu Asturies, non l'Alemania d'Espanha pero n'Arxentina d'Espenha. Por que ?

  • Arxentina, igual que Asturies, lleva viviendo decades una utopia autoritaria fata, primero de militares y depues de peronistes.

  • N'Arxentina comu n'Asturies la ideoloxia dominante (en tolos partios de los comunistes de IU a los socialmemos del PP ) ye un totum revolutum ideoloxicu probista en que el gobiernu afalga los peores instintos del pueblu, los sos prexuicios pa mantenelu nuna inmadurez permanente y satisfecha na medriocrida de la nuesta vida social ... pocu pan y pesimu circu.

  • N'Arxentina comu n'Asturies el poder actua tiranicamente descalificando comu extrema drecha (arguyosos de ser asturianos acordais-vos) cualquiera que se-y oponga.

  • N'Arxentina comu n'Asturies hay una trasferencia permanente de recursos, non de los mas ricos a los mas probes, si non de los grupos menos organizaos a aquellos que lo tan mas (de autonomos que tan al llimite, empresarios de los que trabayen 70 hores a la selmana y subproletarios del contratu basura hacia aristocracies obreres del sector publicu y semipublicu, "empresarios" que tienen la oreya de les administraciones publiques y sacerdostes gafapastes de la relixion "cultural"). too esto en nome de la xustica social y del nuesu modelu.

y quiero mas nun seguir que ye domingu y tocame poneme a cocinar el desayunu del domingu





http://www.lne.es/asturias/2011/03/27/fernandez-aboga-argentina-asturias-sea-alemania-espana/1052052.html



26 March 2011

Inaugurase n'Aviles el centru Grijander

El Centru Grijander d'Aviles abriose esti fin de selmana aparentemente con unanime exitu de critica y publicu. Esto ye solamente l'ultimu elefante blancu de la politica cultural arecista que quier terminar la so administracion llanzando un ultimu "volador" cultural.


esto nun ye hollywood

Gastense 43 millones nun conxuntu arquitectonicu que a la llarga nun va aportar gran cosa nin cultural nin economicamente y que ademas perfectamente podria tar en Putrajaya (Malaysia) o en Badajoz o en Nueva Zelanda, al mesmu tiempu, non nun llugar remotu, a pocos metros nel mesmu centru d'Aviles uno de los conxuntos arquitectonicos mas singulares del Norte d'Espanha segun me dicen los mis amigos llocales ta cayendo a cachos porque nun hay perres pa remocicar/mantelu. El centru d'Aviles , como asturiano que ye, percibio como arcaico, retrogrado, debe ser abandonao ya que ye un pesu muertu que nos dificulta andar el camin del progresu, lo otro comu internacional y progresista ye automaticamente bono y el que se oponga a ello ye un enemigu d'Aviles.



Que horterada, que aldeanada, esto ye comu los que ponen unes gafes de pasta y creen que esto automaticamente los convierte nel epitome del cool, pues igual pero estes gafes costaron 43 millones.



Enganhen a la xente que de bona fe cree que esto va poner a Aviles nel mapa cultural del mundu mundial (y nin eso porque nel meyor de los casos los politicos esto venlo comu una atraccion turistica y nada mas, poles mesmes pudieron poner una noria) , ye too una gran mentira, vete a Madrid (ya nun te digo a Estocolmo o a Buenos Aires) y entruga a la xente que ye el Niemeyer ? o LABoral Gijon? a ver que te dicen.



Esto nun ye una cosa unica del mundu mundial que gracies a les impagables xestiones del herue Natalio Grueso convencio a Niemeyer que se enrollara y nos regalara el so arte, los Nyemeyer dan vueltes alredor del mundu y onde yos suelten pasta cagen un megacentruchupiguay cultural, dende el anhu 2000 lleven ya mas de 7 y lo que te rondare morena. Too esto ye mas bien comu esto.









Quien se va acordar del conciertu de Woody Allen y la Woody Banda dientro de 5 anhos ... y dentro de tres ? Fumu y mas fumu, que facil ser ricu coles perres de los demas.



Ye un marafundiu de perres y d'esfuerciu que de nenguna manera ye conducente a solucionar los problemes de los avilesinos, que pienso mayormente tienen que ver cola decadencia economica continuada durante decades y el desemplegu, nes circumstancies actuales fundir 43 millones nesto ye insultante y obsceno y ye un casu que pide por responsabilidaes politiques del maximu nivel.



Diz el nhonhu titular de La Nueva Espanha "El Niemeyer se abre al mundo como un lugar para el diálogo entre culturas" ... comu siempre a toes menos a la nuesa.

http://www.lne.es/aviles/2011/03/26/niemeyer-abre-mundo-lugar-dialogo-culturas/1051377.html

24 March 2011

Ciencia Islamica en marcha.



Por fin l'enigma de Rosswell revelau.

Increible, pero non, nun ye un fake.

http://english.farsnews.com/newstext.php?nn=8912250816

22 March 2011

El vienres tuve en misa ...

Esti vienres pasau tuve en misa ... facia munchos anhos que nun asistia a un serviciu relixosu ... y ye que hay coses que trascienden lo material inspirando un respetu reverencial que invita al recoximientu respetuosu y al silenciu.

El templu, humilde capiella, taba llenu xente pero malpenes se sentia una mosca, parecia Luxemburgo mas que el Natahoyu.

Tengo que da-y les gracies al collaciu que, vecin del barriu, me introduxera a esti llugar de cultu tan especial.

equi/

16 March 2011

Demagoxa antinuclear





Ye de muy mal gustu por nun dicir coses mas desagradables que agora con decenes de miles de muertos sobre la mesa dende determinaos requexos trate de sacase rendimientu politicu d’una enorme catastrofe intentando facer avanzar una determinada axenda politica nesti casu la causa “antinuclear” a toa costa con sloganes simplayos del tipu "nucleares no gracias".

Peor tovia parez les muy concretes decenes de miles de muertos y cientos de miles de refuxaos tan pasando a segundu planu de la atencion publica eclipsaos polo que podria pasar pero nun paso coles centrales nucleares.

La radiacion ye ciertamente una cosa muy pavorosa, nun la ves, nun la sientes, nun da frio nin calor pero mata, comu una pantasma, y esti ye un tema que ciertamente captura la imaxinacion d’una opinion publica necesariamente inexperta , ye facil inducer un temor mas alla de lo racional con ello.

Parezme que voy enunciar lo obvio, pero la produccion d’enerxia en centrales nuclear nun ye “esencialmente” distinta a otros procesos industriales potencialmente contaminantes o destructivos que pasen mas desapercibios, tien que se facer d’una manera segura pa evitar externalidaes tipu contaminacion o cualquier otru tipu danhos a terceros.

La enerxia ye una necesida pa mantener les nuesa vida economica funcionando , esto ye pa que la xente pueda seguir poniendo comida na mesa, renunciar a fontes d’enerxia barates comu la nuclear (incluyios el tema de xestion de los residuos, sigue constando un 10 veces menos producer electricida nuna nuclear que con otros medios) tien un preciu, muncho mas alla del muy visible preciu del recibu de la lluz, una enerxia cara implica empreses menos competitives, menos emplegu, mas probitu, mas termiques y mas emisiones dioxidu de carbon a la atmosfera, mas dependencia de suministradores de enerxies fosiles poco fiables, menos oportunidaes pa toos.

Nel llau positivu si ye que podemos falar d’esto, les circumstancies extremadamente dificiles Xapon sufrio uno de los terremotos mas fuertes de la hestoria, con una intensida semeyante a aquel que nel sieglu XVIII destruyo Lisboa con tal ferocida que fizo a dellos duldar de la existencia de dios mas un tsunami , con too ello les centrales xaponeses resisten de momentu ensin tener lliberao cantidaes de radiacion pelligroses pa la salu, repito de mano nesti momentu que escribo esto cero muertos y cero enfermos, esto ye ciertamente pa creditu de la industria nuclear xaponesa. Por ponelo en perspectiva, los platanos son naturalmente radioactivos y al comelos recibes una cierta dose de radiocativida , pues los vecinos de la zona afectada pol fallout, taben recibiendo la peligrosisima cantida equiavlente equivalente a comer 30 platanos http://nextbigfuture.com/2011/03/banana-dose-equivalents-of-radiation.html#

La actitu mas razonable diba ser aprovechar esto comu una oportunida pa deprender nel tema seguirida pero repito los fechos al dia de guei son que enfrentaos coles circumstancies mas extremes imaxinables les centrales resistieron ensin poner en pelligru grave la salu publica, entiendo que la crise nun ta resuelta pero estos son los fechos actuales, lo demas nesti momentu pura especulacion y sinceramente ganes de acoyonar a la xenta pa manipulala facilmente.

Comu en tantes otres coses necesitamos un debate publicu maduru y reposau sobre el modelu enerxeticu allonhau del panicu conyuntural al rodiu de la situacion en Xapon.

08 March 2011

La moral publica a niveles italianos ,,, Riopedre.

«al igual que otros padres» quiso «ayudar» a su hijo a «salir adelante en difíciles circunstancias».

Apela Riopedre al amor paternal y a la complicida del publicu, ... Ye esti un lapsus freudianu, una admision implicita de culpabilida ? Bah ficelo pero que ye ho ? fice daque mal ? Uste nun lo tuviera fecho pol so fiu cagonros ? De verda ya tamos neso ... sera que agora si nos roba un politicu tien que danos igual porque simplemente aceptamos que esti ye el orde natural de les coses ? Ye esti el mensaxe subyacente a les pallabres de Riopedre ?

no sabe «en concreto» de lo que se le acusa y se centró en reivindicar su inocencia:

Riopedre, de verda nun lo sabe ? de lo que te acusen sabemoslo toos, sal en los periodicos dia si dia tamien, acusen a Riopedre de meter mano directa o indirectamente nes contrataciones pa que-yos les dieran a empreses "amiges" y non a les que ufiertaben meyores condiciones y esto ye comu toos sabemos una de les maneres de robar dende les administraciones, de esto tas acusau, de verda nun lo sabe.

Que fedor ...

http://www.lne.es/asturias/2011/03/09/riopedre-proclama-inocencia-denuncia-juicio-paralelo-condeno-socialmente/1043700.html

La sufragette de Xixon ...

Pacina Fdez Felgueroso, gueyinos verdes (segun la llama Gabino, cuantu amor tenrura y entendimientu hay entre PSOE y PP n’Asturies y que pocu amor a los asturianos que representen), disfrazose de suffragette pal antroxu, oh ! el progresismu asturianu conduz pa alantre mirando exclusivamente al espeyu retrovisor (lo mesmu el repetitivu retro-antifranquismu furiosu de tantos progresistes que vivien complacientes , tranquilos y felices durante el franquismu hestoricu).

Y yo que pensaba que l’Antroxu yera un momentu d’alegria, permisivida, descontrol, enantes de la triste cuaresma, pues non, gueyinos verdes decide danos una lleccion, una amuesa publica de virtu pa que vemaos que ella en tou momentu tien conciencia social (gracies pacina) ... solemnida buenista a esgaya pa edificar a les mases ... que beatu , piu, curon ye el progresismu asturianu! que quereis que vos diga prefiero a les muyeres que nel dia de les comadres beben catorce cacharros y depues van ver a los sexy boys, parezme muncho mas vital ,positivo y contemporaneo, vive y dexa vivir.

Ademas a cualquier alma sensible produz-y un sentimientu de profunda vergonha ayena esta rebeldia impostada de los mesmos que lleven 30 anhos nel poder, contra que se rebelaran ?

Pues eso el sufragismu ,,, solidarizase Pacina coles muyeres de fai 100 anhos ... si de verda tuviera nel so corazon los intereses de les asturianes , les reales, les contemporanees, nun deberia solidarizase coles coles millones de muyeres espanholes que tan nel paru comu consecuencia directa de les irracionales politiques economiques del so partiu socialista, o mas cerca de les responsabilidaes directes d’ella, coles pescaderes que perdieron el so trabayu (cierto enantes de ser Paz alcaldesa) pa acomodar a los burocrates del ayuntamientu de xixon nel edificiu mas guapu de la ciuda ,la pescaderia municipal, veremos a Paz disfrazada de pescadera ? aquetipu maximu de la muyer trabayadora xixonesa, pa mi que non ... eso tien muy pocu glamour pa los senhoritos que nos gobiernen.

Conclusion, pocu pan y pesimu circu.

http://www.lne.es/gijon/2011/03/07/felgueroso-anima-cambiar-valores-interiorizados-igualdad-sexos/1043067.html
Locations of visitors to this page