27 July 2007

Los trabayos y los dies ,,,

de vuelta a casa ,,,

Tuvi tola selmana en amsterdam vuelvo a holanda el domingu pero el fin de selmana pasolu en casa. Toy mas que fartu del mi trabayu de los aguarones que trabayen conmigo ( esto ye lo peor ) y de viaxar , toy muy fartu del mio trabayu toy intentando buscar otru polo civil y polo penal ... ya veremos lo que se puede facer al respectu.

A los holandeses gusta-yos la bicicleta muncho , el taxista que nos lleva de l'hotel a la oficina diznos del so plan de salir cola bici el fin de selmana , el que me lleva a l'aeropuertu tamien esti ultimu ye bastante mozu y tien pinta de morin, tien un bigotin que nes nuestres coordinaes culturales indicaria que ye A) Homosexual de mediana eda , perversu que fuma mentolaos o B)Un facista de los del boligrafu pistola , esi tipu de bigote ,,, nun creo que seya ninguna de les dos coses , comentame que va trabayar hasta tarde tien encargu de llevar a una clienta una "pupila" a facer los sos trabayos d'un sitiu a otru depues va tomar una copa con ella , ya que se confiesa animome a entruga-y si les folla ... dizme que non , que un dia fizolo y que depues la moza en concreto nun queria paga-y ya mas por llevala en coche , intolerable ,, diz que nun lo fai mas ... ta claro , por encima de les coses de la cosina esti ye un profesional.

pasaronme muches coses pela cabeza volviendo de l'aeropuertu , hay un fish & chips cerca de mi casa nunca lu viera abiertu , llamase la posada del pexe , una ironia terrible como si el pexe pasara les sos vacaciones nesti establecimientu cuando lo que-y pasa ye notablemente distinto. Si dexa de llover igual voy depues a pillar un take away aunque toy matau

super stresau nel trabayu !

deberia poder postear esti fin de selmana pero de momento toy fugau ,,,

20 July 2007

Un casu enforma raru d'abusu sexual

http://www.lne.es/secciones/noticia.jsp?pRef=1704_51_541174__Galeria-Paris-Hilton-drogo-amigo-para-hacer-trio-otra-amiga-suya

Yo nun tomo drogues ( aunque soy antiprohibicionista ) y comu un home enamorau quede claro que el mi interes ye puramente academicu.

Igual ye un casu seriu d'abusu , nun quiero trivializar , raro ye.

Yo nun voy de "macho Iberico" pola vida y Paris Hilton nun ye necesariamente la mi muyer diez pero uno ye un paisano ,, a ver a vosotros necesitarien empastillaros pa convencevos de facer un triu con Paris Hilton y una amiga de ella ( suponse que la otra moza nun ye un ferrote ) ? que coses ,,,

Prestariame nun momentu comu esti pidi-y la so opinion al miticu Henry Felgueroso ,,, en fin

16 July 2007

8 coses de mi ,,, el meme ,,,

esto de los memes ,, ay .. mandarome unu ... toca cumplir , ocho coses que nun se sepan de mi ,, ahi van ,,, les peores vais permitime que queden privaes ...

1- Gustame la musica de Julio Iglesias ( soy fan de verda , non d'una forma ironica y/o autoreferencial )

2- Rompieronseme los pantalones , un siete enorme durante la visita a un templu budista. Veisenme hasta les entreteles.

3- Llevo unes cuerdines ataes a les monheques. Punxomeles un monxe nel templu (otru distintu) danme un aire semihippy que contrasta col resto de lo que suelo llevar puesto.

4- De guaje aterrabame pensar que pudiere haber una guerra nuclear y que morrieramos toos.

5- Fai unos anhos taba enamorau de una moza que me cruzaba tolos dies na carretera ciares a la mesma hora. A les 3.30pm tolos dies yo baxabala ella xubiala a la altura del heroes del simancas. Nunca-y dixe nada.

6- el mi suanhu yera tener una cerveceria na ciuda de praha y vivir elli. Hrabal y Hasek inspirenme ay !

7 - La mi bebida favorita ye el champagne que por razones monetaries solo bebo cuando nun me
toca pagar.

8- Parezme muy gracioso lo que Camilo Jose Cela dixo de la virxen de Covadonga.

Y paso de pasalu porque una cosa ye participar y otra esparder les pestes aire ,, :-D

Albania , Asturies , el Mezzogiorno

L'albania eterna .. como siempre grande l'articulu del xenial Javier Neira.

http://www.lne.es/secciones/noticia.jsp?pRef=1700_52_539972__Opinion-Villa

El gattopardo asturianu ... too cambia pa que too siga igual , na transicion le estructures de poder del franquismu nun camudaron pero fueron ocupaues polos nuevos persones coles nueves etiquetes. Seguimos igual , too sigue dependiendo del gobiernu , de lo que nos concedan , de lo que nos permitan , de lo que nos den , aquel que vive de la carida de los demas ,comu vivimos los asturianos dependientes de les transferencies del restu de l'estau, nun ye una persona llibre.

Nos ultimos 40 anhos la socieda asturiana paso de vivir nel facismu residual a vivir baxo la solombra sovietizante de la izquierda mas reaccionaria , lliberticida , ignorante y casposa de toa europa.

Y , digamoslo too , tamos encantaos , visto que acabamos de da-y el nihil obstat a esti desastre nes urnes en mayu. Tamos peor que los decimononicos campesinos italianos del mezzogiorno estos al menos dabense cuenta del furacu nel que taben aunque nun fueren a atopar soluciona afayaices.

Asturies tien una cultura politica asistencial y n’ultimu terminu , porque non dicilo , bananera mas propia de la cleptocracia arxentina o la dictadura mexicana del PRI que d’un pais occidental desarrollau. N'esta asturies descreida , muertes relixones y supersticiones, la unica supersticion superviviente ye la de que les perres caen del cielu milagrosamente ensin relacion cola creacion de riqueza.

Soy lleenda urbana , llevo fuera 7 anios y tuviera el fin de selmana pasau en Xixon , la mi xeneracion ( 25-35 ) de los que quedaron que nel mi circulu son mas o menos un 50% , hay 3 grupos , los ricos viviendo de los padres o del negociu familiar nun yos fizo falta buscase la vida, los paraos ( dalgunos camuflaos col mazcaritu de opositores del 30 y pico anios ) y de los que trabayen toos taben en empreses dependientes directa o indirectamente de la “derrama publica” subvenciones culturales , obres publiques etc .. que ye carida de l’estau con otru nome.

14 July 2007

Pitu con curry verde tailandes


Pitu con curry verde tailandes

Los ingredientes podeis seguro mercalo n'asturies nes tiendes un poco delicatessen ( yo atopelos en xixon) y yo creo que tamien nos supermercaos mas pijos tipo corte ingles , yo pude mercalo en xixon n'esta tienda que ta entre el hotel begona y tirando pa donde esta la sidreria la costa ( los que soys de xixon sabeislo ) , la tienda que fai esquina nun soy acordame comu se llama.

Mas o menos 500 gms de carne de pollu
200 gms frejoles o meyor de estos otros que son comu tubinos ( sabeis cuales son)
Pasta de curry verde.
1 lata o media si ye grande (250 0 300 mls) de lleche de coco.
Chiles
Cilantro

Dificulta: pequena
Tiempu: media horina hasta 45 minutos depende.

Corta-y la carne en tirines. Corta-y los frejoles a lo llargo. Cortais los chiles en rodaxines pequenes segun lo querais mas o memos picantes.
Vais friendo la pasta verde curry ( 4 cucharadines ) col cilantro en un wok o nuna sarten si nun teneis el wok. Unos 3 minutinos hasta que podais sentir l'arume de les especies , nun vos pasar que quema ! , meteis el la carne cortada previamente en tirines y los frejoles y vais moviendolo hasta que esta carne tea cocinao dafechu. En esi momentu meteis la lleche de coco y vais removiendolo hasta que todo se vaya poniendo gordino ,,, unos 5 minutinos o asina.

Sirvese con arroz ( meyor si ye arroz xasmin tailandes) pero un arroz llargu val tamien.
Podeis meter tamien lemon grass ( nun se comu se llama ) pero podeis pasar ensin ello y ye dificil d'encotrar.

12 July 2007

Los impuestos progresivos son inxustos y destruyen riqueza

L'argumentu pa introducir los impuestos progresivos ye el nomau "principiu de equida" segun el cual los que tienen mas ayuden a los ue tienen menos via pagu de impuestos a l'estau , esti ye un argumentu falaz la mayoria de los impuestos nun los pagen los ricos , ellos tienen instrumentos financieros pa escapar a la voracida impositiva de los estaos. La mayoria de la carga impositiva soportenla aquellos emplegao por cuenta ayena con sueldos medios o medio altos. Eg- SR A que tien 3 viven en un pisu que val $400000 ( merco-ylu papuchi ) pero tien una sueldu pequenu , non paga impuestos o SR B que tien un sueldu mediu ( ya-y costo llegar a eso ) pero vive de alquier porque nin col sueldu y da pa mercar un pisu. Quien ye mas ricu de los dos querios llectores ? Pues el SR B va pagar muchos mas impuestos onde ta la xusticia neso.
Y pongo esti exemplu por non mencionar les grandes fortunes , los que son ricos de verda si que se arreglen pa pagar poco o nada.
Los impuestos progresivos son l'enemigu directu de la movilidad social hacia arriba cuanto mas ganes mas pages mas dificil te resulta seguir avanzando , la socieda entera pierde con eso. Los impuestos progresivos desestimulen l'esfuerciu individual , pa que me voy formar , pa que voy buscar otra posicion onde seya mas productivu , pa que voy trabayar mas hores pa ganar mas si total al final mas de la meta de les perres extra va llevales l'estau.
El coste pa les empreses ye grande tamien , menos aforru supon menos acumulacion de capital pa la creacion o expansion de les empreses , trabayadores menos motivaos y un mercau mas probe.
La falaz premisa ye que la riqueza d'una socieda ye un total inmutable siempre acaba via conspiracion ne manes de corporaciones e individuos malvaos. Esto ye mentira la riqueza creamosla tolos dies y los necesarios incentivos facen sociedaes mas llibres , mas prosperes comu demuestren tolos paises que tienen introducio un flat tax ( varios nel este d'europa ) , el crecimientu economicu disparose y en munches ocasiones por razon del mayor crecimientu economicu , el total recaudao pol fiscu aumento.

07 July 2007

Jodioseme dir a "el cartero" ,,,,


cronica de les vacaciones :) ,,, poco ye ... va tener razon henry felgueroso "habiendo comides y habiendo muyeres"


Ayer vi a los mis amigos , cene en "el clasico" orujo y una faria pa acabar ( nun tienen otra cosa en materia de puros ) , enfilemonos terriblemente. Tengo una remotu memoria de mi mesmu carretando un barril de 5 llitros de heineken (igualin que el de la semeya la izquierda) a les 4 de la manana. Merquelu en un kiosku ... ay que distinto ye esto d´ínglaterra! ,,, fuimos depues pa casa el mi colega , al menos tuvi el suficiente sentiu comun comu pa dormime enantes de tener la oportunida d´abrilu doy gracies a dios por ello.



Al dia de guey sientome bastante mal les coses comu son , nun puedo quexame muncho ya que ye autoinflinxio.



Bien el plan pa guey ye encontrame nuna de les vinateries del barriu el carmen y depues a cenar , jodiosenos el plan de dir al cartero porque tan de vacaciones. Apetezme una sidreria , igual vamos a casa fede ( ye la que ta entre la casa natal xovellanos y la plaza mayor ). Ya veremos guei tenemos pensao tomalo con mas calma pero les coses nun siempre salen segun plan y a los que tenemos el rockandroll nel cuerpu pierdennos les pasiones. :)








04 July 2007

L'ayalgueru va a xixon esti fin de selmana !

L'ayalgueru va a xixon esti fin de selmana !

Voy voy ,,, esti vienres 6 xunetu y vuelvo el 9 esti llunes de la selmana que entra, ye la mi primer visita nel 2007 ! normalmente voy 5 o 6 veces al anhu a xixon pero esta vegada circumnstancies y el nun poder viaxar la mi moza (esperemos poder arreglar estos nos 3 proximos meses) tampoco quiero pasame y dir yo solu de vacaciones y dexala en casa parez un poco feo pero ya tamos en xunetu y nun tengo visto familia , bebio sidra etc ,,, un fin selmana tampoco ye tantu tiempu nun soy tan malu.

Pues eso plan .... el vienres , llegar a les 4pm si nun hay retrasos, ver a mi madre y pasar unes hores en casa y depues salir dir a casa d'un meyor amigu que ye un bohemiu , cenar en casa d'esti que el mi colega sabe cocinar que mete mieu, o en sidreria cercana, seguramente si cenamos fuera nun pueden faltar les parroches ( muerro por elles ) ,la tabla de quesos asturianos y por supuesto la sidra ( si ye bona la del sitiu en cuestion ) , de segundu chipironinos y lo que tengan rico nel sitiu y de terceru chupito de orujo blanco ,cafe .... y depues aire ... a cimavilla previes visites al "rincon del bierzo" , "el monje" ( quizas vista al triskel nel camin tamien ? ) bares favoritos de la plaza del marques y pa arriba al barriu marineru.

El sabadu mas organizau voy ver a otru al menos , otru meyor amigu mas burgueson , primero repetir ruta rincon del bierzo , monje etc ... depues , cena en "el clasico" , "el candil" o "el cartero" ( si ye "el cartero" inviertese l'orde , cena primero , barriu del carmen depues ) esto ta por decidir , ibericos pa entamar y pastel de tinhosu , seya onde seya , un blancu de rueda col pescao ( que pescao por decidir , dependiendo del restaurante ) , y pa postre cafe , un calvados ( si lu hay ) y si non un cognac en condiciones y un cohiba. Depues aire ,, a cimavilla ,,, mas de lo mesmo ,,,

Esi ye el plan en principiu ,,,

"La ciudad y los perros" Vargas LLosa


Parez mentira que me tenga llevao tantos anios llegar a lleer esti llibru. Supongo que son resabios y manies heredaes del BUP tolo que te recomienden como imprescindible cagues pa ello. El guaje testeron que toos llevamos dientro supongo, ye por culpa d’esto que tengo tantes obres de lliteratura hispanoamericana pendientes. Igual y esto el mi beneficiu , puedo lleeles agora que tengo una experiencia na vida que me permite veles d’otra manera …

( acabo de sonar como un pedante y como un vieyu mamina l’alma tengo 31 )

Ya la hestoria de les vides d’unos estudiantes nun colexu militar na lima de metanes del sieglu pasao onde unos cadetes , carentes de convicciones, tienen como maxima preocupacion la supervivencia dentro del ambiente hostil onde se desenvuelven.



Una hestoria de adolescencia onde el descubrimientu de l’amor del protagonista xuegen-y segundu violina a la hestoria principal , la brutalida de la vida castresnse nun colexu militar. En mediu de l’arbitrarieda , corrupcion la persona puede llevantase por encima de la podredumbre que lu rodea y muestranos que el verdaderu valor nun ye el del que exerce la violencia fisica y se impon a los demas si non el del que s’enfrenta al ambiente que lu rodea , el que nun se conforma el que se rebela polo que ye xusto d’una manera llena de significao. Ye probablemente el llibru mas violentu de Vargas LLosa , al menos de los que yo tengo lleidos.



Cita: ...¿"Qué le has hecho al Poeta,Jaguar?",decía uno.Otro,le preguntaba:¿poeta,así que peleas con las uñas,como las mujeres

03 July 2007

Recetes de Tailandia 1- Curry Musamun con Ternera.

Ternera con Musamun

Pa 4 persones.

Dificulta : Muy dificil nun ye porque pa poder facelo yo y salir bien.

Tiempu de preparacion: 1 horina digo yo ,,

2 cuyaraes aceite cacagues.
1 cuyaraina pasta curry musamun
3/4 ternera, cortao fino ( cubinos o tayaes fines piquinines )
1 grande cortada
1 cebolla
1 Lata lleche coco.
1 cuyarada de Nam Pla ( salsa pescao )
1 cuyaradina sucre integral
3 pimientinos chiles cortaos muy fininos.
Punhadin de cacagueses tostaos ensin sal.


Calentar l’aceite xunto a la pasta curry con fueu fuerte hasta que la pasta tea ferviendo.

Anhadir la ternerta la patata , la cebolla , el nam pla ( salsa pescao ) el sucre y los pimientos picantes ( son lo que llamamos nosotros chiles )

Removelo bastante y cocinalo a fueu fuerte 10 minutinos. Depues dexalo media horina mas col fueu ya mas suave.

Servilo y echai los cacahueses cortaos piquininos por enriba.

Avisu ! – Cuidao con pasavos col nam pla ! usa-ylo con mucha moderacion si nun queries que la vuestra comida acabe goliendo y sabiendo a macizu.

Como tolos curries suel servise con un platin de arroz.

Nun toy seguru de que podais mercer tolos ingredients n’asturies ( la lleche coco y l’aceite cacagues igual nel corte ingles o dalguna tienda delicatessen pero el musamun o el nam pla ( la salsa pescao ) ni de broma supongo).

Pues eso si vos animais podeis mercer los ingredientes on line en

http://www.thai4uk.com/ ( sirven tamien al extranxeru )

Supongo abra otres empreses que tambien los vendan online pero nun fiu a atopar nunguna en espana.

Pa la proxima ponga semeya que se me olvidare sacala :-D
Locations of visitors to this page