25 February 2012

Quien quier destetar a Asturies ?


Nengunu, naide ... tenemos que lo reconocer, los asturianos entos y agora tenemos el gobiernu que mas se nos parez, ye la triste verda.
El PPOE, la extrema izquierda faetonica del PC o Forro toos tienen el mesmu plan, el "dame argo" el clientelimsu y la dependecia d'espanha comu individuos y comu pais, col gobiernu de Forro a la tiesta d'esti esfuerzu autodestructivu y que tien comu midia estrella desixir (porque yo lo valgo) que los fondos mineros sigan hasta el 2018 y mas alla ,,, el sofitu permanente a industries ruinoses (astilleros, enerxies renovables) de toa mena y tolo demas. Toos socialistes, unos d'izquierdes otros de dreches un poco a la manera de les families del peronismu na Arxentina ufiertando una falsa imaxe de pluralida politica que nun pasa de lo mas superficial.
Tanta xente tantos anhos viviendo de los demas son causa de que la mayoria social piensa que lo que recibe ensin que-y correspuenda ye gratuito ensin intentar pensar que lo sacaron a daquien que seique lo merecia mas. Y esto aplicase a funcionarios, empresarios, prexubilaos o diletantes diversos.
Somos un pais de mantenios y tamos comodos con ello. Eso notase, naide quier esforzase, toos queremos "colocanos" expresion inmovilista per excellence y al que se mueve madera.
L'igualitarismu ramplon col que comulga la mayoria de los asturianos y del que dellos tan orguyosos nun ye un valor social positivu ye fiu de la envidia y el resentimientu social.
Los politicos saben que ye lo que queremos el non tener que pensar muncho comu vamos ganar la vida que esto angustia grandemente ,,, tranquilida , segurida, trabayu de por vida nel sector publicu o nel sector protexiu (n'Asturies la economia propiamente privada llibre ye muy pequenha) y pisu proteccion oficial ,,, los xueves milagru.
Pero estes ambiciones casen mal cola realida y ye que solo podemos vivir ensin producir si hay un terceru pagando el viciu y agora el terceru en question que taba viviendo el mesmu a creitu ta na ruina.
Pero lo malo ye que esta aversion extrema al riesgu , tien paradoxicamente el efectu contrariu pa la mayoria el riesgu de terminar nel paro, el riesgu de ser probe , el de nun tener una vivienda ye munchu mas grave de lo que ye nes economies mas llibres.
Les elecciones del 25 vinientes son mayormente irrelevantes el gobiernu que va salir de les urnes va ser estatolatra y gastizu , va dicinos lo que queremos sentir, que merecemos, que nos van dar, que tenemos drechu a y que va pagar otru. Nun lo digo dende el fatalismu rendicionista o porque me de igual tolo contrario, ademas el material humanu del pais a nivel individual ye excelente, meyor de lo que tengo visto en otres partes del mundu, por exemplu esta na que vivo, que pesie a ello son muncho mas exitoses economicamente.
Falta un lideralgu politicu que nos diga que somos muncho mas probes de lo que creiamos y que toos tenemos que facer munchos sacrificios, que debemos vivir dientro de les nueses posibilidaes, que el cambiu permanente ye una circumstancia cola que tenemos que vivir y que tenemos que aceptalu y sacar provechu de el porque si lu ignoramos o lu aceptamos a medies va llevanos per delantre que ye un camin llargu , trabayosu pero que merez la percorrer porque ye la unica manera de convertinos en una socieda mas llibre, mas capaz y mas bayurosa.
Pero mas que una voz que nos diga esto, fai falta una Asturies dispuesta a escuchar esi mensaxe y yo eso al dia de hoy nun la veo.

11 February 2012

L'ultimu colonial ,,,

Podria dicir que ser blancu en Hong Kong ye un poco comu ser miembru d'un club pero diba ser mentira o mas bien inexacto, ser blancu en Hong Kong ye un poco comu vivir nuna villa ,,, somos unes 60000 persones nun pais (HK) d'unos 7 millones, tamos nos mesmos sitios faciendo les mesmes coses y claro en pocu tiempu mas o menos ya viste a toul mundu.

Toos ... NON ... nunca el mundu pierde la capacida de sorprendenos y llanzanos sorpreses pel camin ...

Esti vienres tuve que dir a una cena porque un senhor de gran pesu (en toles acepciones del terminu) taba de visita, entos hay que dir pa que te vea el focicu y tal, tarrezo eses ocasiones pero ye lo que hay ,,, enantes de la cena a la tabierna (tamien obligatorio) , el casu ye que atopemos a un antiguu empleau de la nuesa institucion agora trabaya notra, xunto a esti paisano, otru, mas vieyu y ruinu con un plumiferu del que sal un cuellu secu ,,, en comandita bebemos, el mas vieyu resulta ser hermanu del otru , guarda de cotu caza na china profunda y ta de visita al hermanu banqueru ... el guardes de la china profunda confiesa ser l'unicu home blancu en X kilometros a la redonda y en chinu solo sabe dicir que-y chupen la pirula ,,, canned laughter,


Ensin amuesar dengun interes por colar o por pagar una ronda for that matter queda y cuentanos la so vida ,,, l'exmercenariu Neill , veteranu del mil guerres y golpes d'estau nel Africa ... pesie a tolo que tien pasao ,,, dizme que solo tien un odiu nel mundu ,,, Robert Mugabe al que mataria coles sos manes a gustu de tener la oportunida aunque lu llevaren presu eso da-y igual ,,,



fazanhes beliques diverses de mercenariu blancu nos bonos vieyos tiempos ,,,eso entos ,,, agora guardes y entrenador a tiempu parcial d'oficinistes nel absurdu torneu de boexeu de guante blancu (white collar boxing) ,,, llanza un par de punhos al aire escontra un enemigu imaxinariu (Mugabe?) ,,, rutia ,,, y cola pa casa dando tumbos perdiendose na nueche del Hong Kong postcolonial ,,, nun puedo evitar pensar que lo mas traxico de tola aventura imperial tien que ser terminala faciendo el ridiculu d'esta manera ,,,

01 February 2012

Luis Arguelles, un paisanu.


Muncho se tien falao del merecedisimu homenaxe a Luis Arguelles, asturianista y del so trabayu nel campu de la etnografia y el so valir inmensu comu intelectural ponte entre una vieya xeneracion d'asturianistes y la nueva que venia alrodiu de Conceyu bable, bien too verda pero ye que ademas de tolos sos servicios extraordinarios al pais, Don Luis Arguelles ye un paisanu.

Siendo yo guaje paraba muncho pela biblioteca de la asociacion Ciares-Cotu-Viesques un llocalin xusto entfrente de lo que y agora el centru social municipal del Cotu. Los que sois del barriu sabeis onde digo. Que fuera presidente d'ello Oscar de Telever ex-conceyal del PCE y tamien un paisanu excelente pero a ver ,,, que me pierdo pela caleya de la senhalda ,,,

Yeren los anhos 80 (finales creo) y l'ayalgueru guaje taba na biblioteca onde trabayaba Luis Arguelles depues de que politicos mezquinos y pequenhos lu echaren de la direccion del so pueblu d'Asturies. Yera una tarde tranquila y na biblioteca taben dos guajes mas pequenhos que yo a los que nun conocia , esti que lo cuenta y presidiendo el Sr Arguelles.

Silenciu hasta que unu de los guajes llama a Luis, "Don Luis que esti ta comiendo chicle" , conducta prohibida nesi templu la cultura, llevantase Luis ,,, camina despacin, averase a los guajes ,,, y encarandose al denunciante fai una pausa dramatica y diz-y tranquilu, y con gran dignida ,,, "Acusica barrabás, en el infierno te verás, comiendo pan y cebolla, y nosotros en la gloria". l'acusador flipa col actu espontaneu, radical y subversivu del encargau de mantener les regles nel recintu y el masticador de chicle viendose vindicau dexa ver una sorrisa a la que el mayestru Arguelles retruca con un "y tu no sonrias porque si bien por esta vez te voy a dejar masticar chicle has de saber que es la ultima"'

Dios ,,, que elegancia ,,, que savoir faire ,,, que maestria na resolucion de conflictros, que sentiu comun y que apegu a la rialida , y que conha y que sentiu l'humor porque amigos Don Luis Arguelles ye un paisanu asturianu con lletres mayuscules.
Locations of visitors to this page