23 December 2010

Fios predilectos d’onde ? A la gueta la gloria reflexada ... ?

Existe una gran polemica acerca del nomamientu de Carrillo comu fiu predilectu de Xixon, mayormente pola acusacion, aunque Carrillo lo niega la sospecha existe, que pesa sobre el paisano de participacion, por lo que se sabe pasiva por omision (sabelo y non impedilo pudiendo) d’unos fusilamientos masivos de civiles na retaguardia madrilana en Paracuellos durante la Guerra civil espanhola. Yo nun voy entrar en esto nun lo se, nun soy expertu y esto prudentemente prefiero dexalo pa los hestoriadores.

Lo que si sabesmos seguro, ye que esti paisanu sinceramente tien poco que ver con Xixon, nacio en Xixon , colo a los 7 anhos y nunca volvio a vivir equi, durante 60 anhos tampoco nunca nun tuvo nenguna relacion substancial cola nuesa villa hasta que volvio la democracia y solo volvia pa pedir el votu al PCE.

Nun entiendo porque el Garrapiellu tien que compartir ,el so merecidisimu honor, con un Sr que nunca fizo nada por Xixon porque independientemente de lo que pensemos del paisano y la so figura hestorica lo cierto ye que, 95 anhos de vida , servicios especificos identificables prestaos a la villa de Xixon 0.

Otru nes mesmes, Rodrigo Rato, votau na mesma session fiu predilectu de la villa y tal y cual. Rodrigo Rato que nin se molesto en aparecer pa recibir el galardon, ye un Sr de Madrid, naciu en Madrid, padre asturianu OK d’una ilustre familia, Rodrigo Rato pasaria delles vacaciones en Xixon, ok y tal y cual muy bien pero lo sustancial , tampoco vivio nunca en Xixon ya igual que Carrillo servicios especificos identificables prestaos a la villa de Xixon 0.

Por que premia el conceyu de Xixon , nun intercambiu de cromos indecente PZOE-PP, a dos paisanos que , buenos malos o regulares , nunca fixeron un res por Xixon ?

Pues solamente porque son famosos del contextu espanhol, percibiu pol conceyu de Xixon comu superior al xixones y al asturianu. La seleccion de esos dos comu fios predilectos de Xixon ye una aldeanada del orde mayor , ye la busqueda de gloria reflexada que vemos tamien tolos anos na seleccion de premiaos de los premios principe. El complexu d’inferiorida de les elites politiques asturianes que siempre ve no de fuera lo mas alto lo mas noble, lo mas meritorio.

Con esta falta cronica d’autoestima, mal van tomar, en temes mas importantes, les decisiones acertaes pa los xixoneses.

5 comments:

Anonymous said...

Das nel clavu. La realidá ye qu`esta xente tien complexu d`inferioridá ( no tocante a la clase política xustificau de sobres ) y un aldeanismu irredentu; dar medalles pa que se fale delles, non tanto pa premiar un llabor.
Nesti tema, como en muchos mas, tan toos igual.
Otra cosa que yos presta ye dar los premios de cara a la so militancia, a la que traten como probinos fatos.
Pa mi, l`exemplu perfechu foi la Medalla d`Oru d`Asturies, al vicepresidente Cubanu, José Ramón Fernández.
Cuando pones en dubia`l llabor de Carrillo y Rato, o la so vinculación a Asturies, imaxinate trespasar eses razones a esti tal Fernández.
Faigo como tu, nun me complico, y nun voi entrar nes razones y el contextu hestoricu de los sos primeros años de "llucha".
Pero los cabertos venti años? y digo venti por decir pocu. ¿ Tu crees que se-y puede premiar al vicepresidente de Cuba pola so " coherencia y xenerosidá colos valores de “xusticia” social ya “igualadá”?
Mete miedo¡¡
Berto

ayalgueru said...

Mete mieu pela cabeza ,,, cualquier dia van da-y un premiu a Kim-Il-Jong porque paso un dia a echar un cohete al Models ,,,
Nun me voy acordar d’esa ! ye peor tovia ,,, ye que nel 2009 dieron-y la medulla d’oru al Fdez esi (desconociu pa mi primero de la medalla) ,,, ye pa anhadir insultu nesa mesma ceremonia a NUBERU nel anhu de la so retirada solo yos dieron la de plata !!!

Conclusion un satrapa foriatu ensin vinculacion con Asturies val mas y merez mas reconocimientu que un grupu miticu que tien un llugar tan especial non solo na hestoria musical (y de reivindicacion de la llingua) pero tamien na memoria sentimental y politica de los asturianos (sobre manera los d’izquierdes).

paul said...

A min esto da dar premios ia una especie de columpio. Nunca entendí d'ou vien la necesidá de dar premios con puestas n'escena que, redios, paecen un amestau raru ente´l Kremlin ya los Oscar con formalismo mega-stuffy. Amás del complexu d'inferioridá aiquí ta tamén el querer sacar partíu de xente pa que-ys asocien con el.los subliminalmente al xeito 'mirai que famosos somos nós'. Por exemplo, tol tinglao de los premios principe me paez que ia puramente eso: P.R. barato ya inconsecuente.

ayalgueru said...

Paul ye verda ... nun tienen sentiu toos esos premios, estos son comu los guajes que imiten a los mayores ... y si les ceremonies paracen sovietiques porque ademas de ser fatos carecen totalmente de sentiu del espectaculu ,,, pocu pan y pesimu circu.

Anonymous said...

Por que conste, la entrega de les medayes ye'l 29 de xunu, polo que dificilmente podríen allegar a recoyeles.

Locations of visitors to this page