01 May 2012

El gobiernu va retaya-yos el sueldu a los funcionarios en baxes temporales

Esto ye increible, la crise nun ye economica, ye moral. El sistema ta tan podre que les indecencies mas gordes y les trampes mas tramposes pasen por normales nuna socieda que traga con carros y carretes.

La funcion publica ta organizada al rodiu de repartir alpiste entres los titulares d'una plaza de funcionariu y non cola vista puesta nuna provision economica y de calida del serviciu, esti ye triste estau de coses, quier dicir esto que tolos funcionarios son unos vagos ?  non pa nada ,,, dellos son totalmente heroicos mantentiendo altos niveles de profesionalida nun sistema que nun lo premia y que ademas tampoco castiga la estupidez o la incompetencia.

Atopose la nueva administracion col fechu hasta agora desconociu que los funcionarios tomen mas dies de baxa que nos los subditos civiles mortales d'apie. Teniendo en cuenta que quitando excepciones los empleaos publicos como media non trabayen n'actividaes particularmente peligroses o nocives pa la salu la trampa rescampla.

Lo que nun entiendo ye porque castigar a los que tean de baxa con una presuncion xeneral de culpabilida porque castigar a los que ten enfermos de verda y que paguen xustos por pecadores, nun diba ser mas xusto ya eficaz facer inspecciones sorpresa de les baxes, les xustificaes paguense in full dende el primer dia, les que que nun los son funcionariu/a a la cai, ipso facto, thank you and good bye.  

Porque se tuvo que esperar al 2012 y a la mayor crise economica en 50 anhos pa atacar el abesentismu funcionarial ye ablucante y sintomatico d'una socieda decadente, refalfiada , pasiva y corrupta onde munchos "s'indignen" non porque yos tean robando si non porque enta nun yos toco rucar a ellos.

Enterome que hasta agora apaecer nel puestu de trabayu, pa los que esfruten de la categoria de empleau publicu, ye mas o menos optativo.

Ya nun ye que faigan mas o menos o que la funcion particular del titular seya totalmente prescindible (institutu de la muyer ? de la moceda ? museu de la pirula ? ) , ye que ha dellos que simplemente apaecen cuando-yos peta ya que nun apaecer nun tien consecuencias. Ye un sistema que estimula activamente la folganza y la cara dura, nun ye solamente un robu a los que yos paguen el sueldu, tien de ser necesarimanete desmoralizador ya frustrante pa los funcionarios que si cumplen.


Si de verda van en serio y lo que quieren ye evitar les trampes lo meyor que podien facer ye privatizar la provision de tolos servicios privatizables (sacante la administracion de xustica no penal o l'exercitu casi toos los demas francamente) o polo menos ufiertar a los usuarios la posibilida d'optar por proveedores privaos con un sistema de "cheques" pa los servicios , de primeres dibemos aforrar un fargatau de perres , de segundes l'absentismu diba reducise enormemente porque si nun te molestes nin apaecer ya sabes lo que hay.


Lo unico positivo de tola hestoria ye que polo menos nun se-yos ocurrio atacar el absentismu pagando-yos una prima adicional pol fechu extraordinariu de presentase al puestu de trabayu, daque positivo tenia que  salir del fin del reinu zapaterinu.

http://www.expansion.com/2012/04/30/economia/1335810981.html?a=f1a73b33c04e3d1c3e8eab6d1cc5273c&t=1335858890

1 comment:

Adivín Serafín said...

L'estáu español tien namái qu'un 8% de funcionarios. Europa tien una media del 15%, siendo'l país que más tien el 25%. Ehí ta esi índiz de paru tan desaxeráu. España nun pue permitise tantu funcionariau porque les grandes fortunes, los bancos, la ilesia, los empresarios,... defrauden a Facienda. Asina tamos.

Locations of visitors to this page