Del raton al culete ,,,

Haylos que dicen ,con razon, que el rey del costumismu contemporaneu ye Milio Rodriguez Cueto ,,, y yelo, pero nel nuesu Macondo del noroeste ibericu los periodicos superen a la lliteratura.

Del raton al culete (rises en off) ,,, Con esti titular tan celebre la nueva rellataba les aventures d’un grupu “d’empresarios” de les nueves tecnoloxies que fueron al IDEPA a pidir perres. Al paecer el Sr/Sra funcionario/a dixo-yos que se dexaran de pijaes y montaran una sidreria que da mas subvencion (quedose cortu de mandalos montar un puticlu que nun atrae subvencion pero que n'Asturies siempre da dineru).

Habralos que piensen, senhaldosu, que esto pasa porque nel IDEPA ya se nota la falta de lideralgu de Marroquin :-D

Tola hestoria ye anecdotica pero ilustrativa de que el Modelu “IDEPA” el modelu “Cuenca” de la administracion socialista ye economicamente destructivu ya irracional y deben ser los consumidores coles sos decisiones de compra y non los Sres planificadores de les administraciones publiques coles nueses perres y nel nuesu nome los que deben decidir lo que se produz , seyan servcios de consultoria de software llibre, muebles o chorizos.

Con toes estes subvenciones lo que tamos faciendo ye re-direccionar recursos riqueza dende autonomos y empreses que ganen perres, sostenibles, viables a otres, ruinoses, destructives que consumen los recursos (impuestos) de les primeres via transferencia discreccional decretada por el despota "ilustrau" del gobiernu. Habralos que digan y seguro ye verda que les subvenciones tan mal reparties que tan daes con criterios opacos, cuando menos sospechosos, y seguro que ye asina pero lo que tenemos que dexar de facer ye dexar dafechu de regalar perres, facelo con mas xusticia y racionalida nun ye suficiente.

Ademas aquellos que quieran salir alantre polos sos propios medios veran los sos esfuercios dificultaos pola competencia d'aquellos a los que si-yos regalen la subencion, el sistema nun puede ser peor.

Nun se trata de meyorar el IDEPA o de facer un IDEPA meyor o mas eficiente la solucion pasa obligatoriamente por eliminar y nun sustituir con nada tolos IDEPAS y ACEBAS que nel mundu son.

Tamien pol otru llau ye necesario dicir menudos empresarios, lo primero que fain nun ye salir a la cai a buscar clientes o inversores, un venture capitalist, o igual pidir un prestamu ,,, non, lo primero que fain ye dir a la oficina del burocrata a pidir perres y comu nun-yos dieron tanto comu querien .. entos que ? volver a casa llorando y ,cor blimey! , montar una rueda de prensa pa ventilar los sos agravios. Pa completer la farsa solo taria bien una contra-rueda prensa de la asociacion de propietorios de sidreries pa denunciar l’insultu y confirmar que les subvenciones a la apertura de sidreries nun son solo nun son tan grandes si non que son claramente insuficientes, que les administraciones nun “apuesten” de manera suficiente pol futuru del sector chigreru y que el “esfuerzo inversor” ye deficiente.

Dicenme fuentes bien informaes sobre el tarren que les empreses del cluster tic o tikiki asturianu son, habra excepciones seguramente, pero na so inmensa mayoria son chiringos creaos ad-hoc pa captar subvenciones y dependen la gran mayoria ademas pa la so supervivencia de los contratos que tienen coles administraciones publiques o seya que son parasitaries por partida doble. Estos son los sectores de futuru, la economia “sostenible” FSA style.

http://www.lne.es/oviedo/2011/01/24/partarroyo-idepa-dijo-pusiera-sidreria-subvenciones/1023842.html