12 July 2012

Les dos Asturies

Una ye una Asturies tranquila. segura de los sos valores. Too tien que ser de papu, cruza el semáforu en collorau y tira la basura nel suelu. Trata les normes comu recomendaciones - siguiles cuando sía conveniente, ignorales cuando non.

Nun tien ambicion y suaña con un trabayu que page bien, pero que esixa pocu. Ye una Asturies que quier comer bien, beber bien y vivir bien - siempre y cuando pueda faese esto ensin tener que trabayar n'excesu.

Son los y les que nun tan avergoños de trabayar dos o tres hores al día y cobrar día completu , un trabayu que non estrese, esperando hasta que llegue una prexubilacion a los 40 y pocos. Una Asturies que durme y espera la muerte.

Ye la Asturies del duenhu de "empresa" que nun quier servir a la socieda y que miaga porque esti anhu dieron y menos subvencion.

Ye una Asturies peronista, transversal de falses izquierdes y falses dreches, entera corporatista, facista ensin esvastiques o campos d'exterminiu, comunista ensin gulag.

Ye una Asturies probista que glorifica la rebelión y a quellos que se presenten comu obreros cuando son parte d'una aristocracia. Ye una Asturies pequenha y envidiosa, violenta,  de males traces.

Ye una Asturies que tarrez y envidia l'ésitu de los demás - meyor si toos fallen, o meyor entá si naide intenta.


La otra Asturies tien fame de coses.

Ye ambiciosa , quier tener ésitu y faer coses grandes. Arguyecese de la so hestoria y quier tener futuru. Ye la Asturies que triunfa en casa en circumstancies dificilisimes en coses grandes y en coeses modestes (mal dicho que nunca son modestes les que son frutu del esfuerciu) ... la que iba a Cuba con muncha fame y una maleta de carton y volvio millonaria.

Ye lliberal, tolerante y llena de sentíu común. Vive vive nel mundu real nun tien tiempu pa les batalles de los demas. Quier faer les coses. Y sicasí, ve qu'el so futuru ye rehén, qu'hai demasiaes torgues que impiden tirar del carru.

En cual d'elles querremos vivir ?





2 comments:

Nel Morán said...

Cuido que nun hai una ensin la otra. Cada día toi más convencíu d'ello.

Anonymous said...

Dafeitu d'alcuerdo, sobretou neso de 'falses izquierdes'. Mas conservador, reaccionario ya totalitario que los que heredanon el poder directamente del dictador Franco (la PSOE-FSA), imposible. Lo traxico n'Asturias ia que poucos se decatanon d'ello.

Locations of visitors to this page