16 July 2007

Albania , Asturies , el Mezzogiorno

L'albania eterna .. como siempre grande l'articulu del xenial Javier Neira.

http://www.lne.es/secciones/noticia.jsp?pRef=1700_52_539972__Opinion-Villa

El gattopardo asturianu ... too cambia pa que too siga igual , na transicion le estructures de poder del franquismu nun camudaron pero fueron ocupaues polos nuevos persones coles nueves etiquetes. Seguimos igual , too sigue dependiendo del gobiernu , de lo que nos concedan , de lo que nos permitan , de lo que nos den , aquel que vive de la carida de los demas ,comu vivimos los asturianos dependientes de les transferencies del restu de l'estau, nun ye una persona llibre.

Nos ultimos 40 anhos la socieda asturiana paso de vivir nel facismu residual a vivir baxo la solombra sovietizante de la izquierda mas reaccionaria , lliberticida , ignorante y casposa de toa europa.

Y , digamoslo too , tamos encantaos , visto que acabamos de da-y el nihil obstat a esti desastre nes urnes en mayu. Tamos peor que los decimononicos campesinos italianos del mezzogiorno estos al menos dabense cuenta del furacu nel que taben aunque nun fueren a atopar soluciona afayaices.

Asturies tien una cultura politica asistencial y n’ultimu terminu , porque non dicilo , bananera mas propia de la cleptocracia arxentina o la dictadura mexicana del PRI que d’un pais occidental desarrollau. N'esta asturies descreida , muertes relixones y supersticiones, la unica supersticion superviviente ye la de que les perres caen del cielu milagrosamente ensin relacion cola creacion de riqueza.

Soy lleenda urbana , llevo fuera 7 anios y tuviera el fin de selmana pasau en Xixon , la mi xeneracion ( 25-35 ) de los que quedaron que nel mi circulu son mas o menos un 50% , hay 3 grupos , los ricos viviendo de los padres o del negociu familiar nun yos fizo falta buscase la vida, los paraos ( dalgunos camuflaos col mazcaritu de opositores del 30 y pico anios ) y de los que trabayen toos taben en empreses dependientes directa o indirectamente de la “derrama publica” subvenciones culturales , obres publiques etc .. que ye carida de l’estau con otru nome.

4 comments:

Anonymous said...

Que ye lo que hai que faer entos pa que la xente esconsone? Como ye posible que inda falen d'izquierda n'Asturies si la FSA (esi PSOE casposu de nos que ye un continuum de la politica franquista) ye lo mas reaccionariu que hai?

Porque si Ovidiu ta nes nubes, Areces (y los aburridisimos Javi Fernandez y Fernando Lastra) igual de conservardores. Toa la retorica que tienen ye de corte Bielorruso, a la Liukashenka.

Lo que mas fadia ye la intensida de la mediocrida que xenera Asturies na estaya politica. Con casos como Candido y Morala, la xente inda nun s'entera...Vaya desastre de sitiu.

ayalgueru said...

Tien mala igua , la verda nun se.

Mira lo candido y morala ye un escandalu porque por facer coses 100 veces peores en euskadi nun detienen a naide .. onde ta la integrida del nuestru estau de drecho ?

Conste que un condono los disturbios o la violencia de nengun tipu pero l'agraviu comparativu manca.

Anonymous said...

Nel casu de Candido y Morala, pa mín, nun ye cosa namás d'agraviu comparativu. Si fuera cierto que foron ellos los que reventaron el famosu caxetín, o si hubieren xulgao a tolos qu'intervinieron nello, nun tendría gran cosa que dicir más que ye mui burra la pena. Pero equí hai otres coses pol mediu, y ye claro l'enfotu en quitase d'en mediu a esta xente pa completar el negociu de los pisos de Poniente. Y lo tamos viendo.
Podrán decir que qué quieren, que los astilleros pierden perres... pero ¿de verdá ficiéronse los deberes pa que nun les perdieran?, o pel contrariu ¿fízose al reves col envís de pesllalos?
A la fin, la verdá ye que esos astilleros nun caben n'esa imitación de Miami Beach cola que completar esti parque temáticu que dacuando suañó Tini.

ayalgueru said...

"Si fuera cierto que foron ellos los que reventaron el famosu caxetín, o si hubieren xulgao a tolos qu'intervinieron nello, nun tendría gran cosa que dicir más que ye mui burra la pena."

eso suscribolo yo tamien. La verda nun se que cuales son los fechos probaos y cuales non. Pero quienes fueren que fixeren los disturbios y se involucraren na violencia deben ser castigaos , salir a quemar coses pa forzar al gobiernu a que te de lo que quies ye inaceptable.

Nun ye una desgracia terminal que los astilleros piesllen porque pierden perres eses coses pasen, lo malo ye que nun hay otres actividaes economiques alternatives.

saludos

Locations of visitors to this page