27 June 2008

Imperiu asturlleones ,,,

fantasia asturleonea ,,, pena que el premiu AWF de les lletre ya tea dau ,,,


Autor Carles fernandez - Espublizao nel diario de leon.

¿Leonese way of life? (¿xeitu llïonés?)

(Carles Fernàndez)¿Vos preguntestis dalguna vez como sería esti planeta si los Estaos Xuníos d'América non fueran la primeira potencia mundial? Con seguridá que sí; fálase munchu del tema. Pero, ¿pensestis que pasaría si esa potencia fuera'l... País Asturllïonés? ¿Como sería'l día a día nuna gran ciudá estranxeira como, por exemplu, Moscú? Siete de la mañana. Suena'l despertadore de la radiu y una voz saluda glayando l'hora que ye lientres suena l'últimu ésitu de la famosa y polémica cantante Bretaña Pérez (que ye d'Estorga). -Tengo que deprendere llïonés- piensa'l home-, ensin esto nun pescancio las cancios, nin puedo mirare nada n'interrede nin puedo algamare un trabayín cono que ganare un pouquín más de dineiru. Paez mentira qu'esto pase'n Rusia. ¡Güei mesmo m'apuntaré a clases.! Dempués de vere las noticias -que outra vez falan de que metieron en prisión a la fia del dueñu de la cadena d'hoteles "Xixón" por que diba conduciendo ensin permisu- y la serie de “Los Fernández”, unos dibuxos animaos duna familia de colore mariellu que retrata la vida de la típica familia llïonesa'n tonu sarcásticu, el rusu sal a buscare una academia d'idiomas. Hai centenares en Moscú. En toas puese deprendere llïonés, pero tamién hai munchas que deprenden outros idiomas. Nuna hai un cartelín curiosu on diz "Deprende Castellanu". -¿Castellanu? A quien podría interesare deprendere un dialeutu del llïonés? Nun ye más que cousa de cuatru nacionaliegos- piensa'l xoven-. ¡Ya nun saben qu'inventare! Finalmente s'apunta al prestixosu "Institutu Astur" que ye u dan el diploma oficial y tien los meyores profesores. Como ya ye casi mediudía, ye hora de comere. A falta de más dineiru lo meyore ye dire a un "xintare rápidu". Ente'l "Ma-Dalena" ya'l "Botiellu Rei" decídese pol "Ma"; non por nada, pero hai más restaurantes y tien más fama, además el Ma-Menú nun ta mal: un bocadiellu de chorizu del Bierzu cono suo pimientu, unas patatas bravas perpicantes y una cerveza con gasiosa y pa rematare un pastelín de castañas. Sal del chigre y va direutamente al trabayu. Ouchu horas horribles na cadena de montax pa fabricare coches que sólu podrán mercare los ricos asturllïoneses... como siempre. ¡Como prestaria-y tare nas famosas playas d'Asturies, conas súas vixilantes despanpanantes de bañadore roxu! Ta decidíu: cuando acabe'l cursu no Institutu Astur marchará pa Llión. Tou'l mundiu xira'l rodiu d'aqueilla ciudá. Eillí hai dineiru a esgaya y de xuru que tendrá una oportunidá duna vida meyore. Ye'l "suaño astur" del que falan toulas películas. Marcha contentu de la fábrica pol nuevu finxu que propúsose. Pero agora tien que coyere'l autobús y correre un poucu. Güei hai un partíu guapu na tele; una llucha a muerte que verá mediu mundiu: nin más nin menos que la final de la lliga astur, la Cultu escontra la Ponfe, qu'eliminou a l'Uviéu nos penaltis. ¡Tou un planeta paráu pol acontecimientu! Bono, tou un planeta non. Fuera, nas cais de toulos países hai millones de personas protestandu pola cantidá de guerras, muerte, destrucción ya inseguridá que l'ansia de podere de los llïoneses tá causandu a la xente. Ya hai munchas naciones que odian a los astures y que prestaría-ys que outra nación fuera primeira potencia- de xuru que si América fuera una superpotencia tou diría muncho meyor- dicen. Bono, ye un puntu de vista... Visto lo visto ¿qué queredes que vos diga? You quédome cono nuesu pequeñu país y conas nuesas pequeñas miserias. Siempre podemos meyorare, pero'l xeitu llïonés, al menos, ye'l nuesu.


http://www.diariodeleon.es/especiales/2005/lenguas_leon/noticia.jsp?TEXTO=100000035259

3 comments:

Jesusito said...

Ablucante, que coses se publiquen... a lo meyor pa la próxima edición... Casi digno del alcalde de london, del qu'oyera de cuando les elecciones. Flipaba colos dos personaxes, el colega dhugo chavez y el snob esti que 'votasteis'. Polo menos tienen gracia, qu'equí, ente ovidiu y tini, que quies que te diga

paul said...

Very funny! Ochen smeshno! Fixera you muitu pro-Asturian 'activities/ en Moscu, pero nunca nun pensara qu'un moscovita escuitara radio ya quixera deprender asturianu pa deprender canciones 'popsa' (que ia cumo si diz en rusu). Ula esa Bretana Perez?

ayalgueru said...

jesusito ,, ye lo que tien la politica asturiana ... pocu pan y pesimu circu ...

----------------
tienes razon Paul ,,, llego la hora de llevar el "moviemientu llingua" al proximy nivel ... comu dico el poeta canadiense ... first we take manhattan ,, then we take berlin ...

Locations of visitors to this page